Gwasanaethau Claddu

Cyd Awdurdod Claddedigaethau Llanelli

Mae Cyd Awdurdod Claddedigaethau Llanelli yn cynnwys Aelodau Cynghorau Gwledig Llanelli a Thref Llanelli ac mae’n gweinyddu Mynwent Ardal Llanelli - mynwent 32 erw – yn Heol Abertawe, Llanelli. Mae’r fynwent yn darparu ar gyfer anghenion pobl Llanelli a'r ardal a hi yw’r unig fynwent gyhoeddus yn y dref. Mae dros 22,000 o feddau yn y fynwent ac aiff y claddedigaethau yn ôl i 1850.

Mynwent Ardal Llanelli
Heol Abertawe
Llanelli

One of Llanellis CemetterysFfôn: 01554 773710
Ffacs: 01554 776145
e-bost: llanelli.cemetery@llanelli-rural.gov.uk

Ysgrifennydd

Mr M Galbraith
Cyd Awdurdod Claddedigaethau Llanelli
Adeiladau Vauxhall
Vauxhall
Llanelli
SA15 3BD

Ffôn: 01554 774103
e-bost: enquiries@llanelli-rural.gov.uk

Oriau Agor y Swyddfa:

Dydd Llun i Ddydd Iau 8:30 am - 4:00 pm
Dydd Gwener 8.30 am – 3.00 pm

Another shot of one of Llanellis CemetterysGwasgwch yma i gael map lleoliad:

Mynwent Ardal Llanelli

Mynediad i’r Cyhoedd

Mae Mynwent Ardal Llanelli ar agor i’r cyhoedd yn ystod yr oriau canlynol:

Hydref i Chwefror (Gaeaf)

Dydd Llun i Ddydd Gwener – 8.00 am i 5.00 pm
Dydd Sadwrn i Ddydd Sul gan gynnwys Gwyliau Banc – 10.00 am i 5.00 pm

Mawrth i Fedi (Haf)

Dydd Llun i Ddydd Gwener – 8.00 am i 6.00 pm
Dydd Sadwrn i Ddydd Sul gan gynnwys Gwyliau Banc – 10.00 am i 6.00 pm

Mynediad i gerddwyr yn unig y tu allan i’r amserau hyn.

Gwybodaeth Bellach

Trafnidiaeth Gyhoeddus

Y briffordd agosaf at y fynwent yw’r A484. Mae’r orsaf rheilffordd 2 filltir i ffwrdd ac mae’r ganolfan fysiau agosaf ½ milltir i ffwrdd.

Cŵn

Dywed y gyfraith a rheoliadau’r Cyngor fod rhaid cadw cŵn ar dennyn ar hyd yr amser ac na ddylid gadael iddynt faeddu yn nhir y fynwent.

Cyfleusterau Capel

Mae gan Fynwent Ardal Llanelli gapel, sy’n gallu eistedd hyd at 80 o bobl. Ceir ramp mynediad ar gyfer pobl sy’n cael anhawster i symud o gwmpas. Mae gan y Capel hefyd organ ar gyfer y sawl sy’n dymuno cael cyfeiliant cerddorol i’w seremoni. Mae gan y Fynwent gyfleusterau parcio. Ceir siop meini coffa'r drws nesaf i swyddfa’r fynwent.

Beddau

Fel arfer rhaid cynnal claddedigaethau yn unol â’r rheoliadau a rhwng Dydd Llun – Dydd Iau 9.00 am-2.30 pm a Dydd Gwener 9.00 am-1.30 pm.

Claddedigaethau & Ac Ar Ôl Claddedigaethau

Claddedigaethau

Mae Mynwent Ardal Llanelli yn cynnig Claddedigaethau Lawnt, Claddedigaethau Cwrbyn Llawn yn ogystal â chladdu llwch.

Claddedigaethau Lawnt

Mae’r dewis hwn yn caniatáu ichi osod carreg goffa ar ben y bedd. Rhoddir gwair ar weddill llecyn y bedd, ac ychydig fisoedd ar ôl y gladdedigaeth wedi i’r tir sefydlogi, caiff y llain ei wastatau fel y gellir torri’r gwair i safon uchel. O hynny ymlaen ni chaniateir cawgiau a theyrngedau blodau ar wair llecyn y bedd.

Claddedigaethau Cwrbyn Llawn

Mae hyn yn caniatáu maen coffa bychan fel cawg, llechen neu faen coffa a chynllun sylfaen ar gyfer y bedd. Mae’n cynnig llawer mwy o hyblygrwydd nac yn ein llecynnau lawnt, ac yn cynnig llawer mwy o amrywiaeth o ran cynllun y meini coffa.

Unig Hawl Claddedigaeth

Gellir prynu Unig Hawl Claddedigaeth ar unrhyw adeg. Ar ôl profedigaeth bydd y Trefnydd Angladdau fel arfer yn awgrymu hyn – mae’n golygu y gall aelodau teulu gael eu claddu gyda’i gilydd ac y gellir gosod maen coffa ar y bedd.

Ar ôl y Gladdedigaeth

Cyn gynted ag y mae’n ymarferol bydd y bedd yn cael ei wastatau ac fe roddir gwair arno. Gall hynny gymryd cryn dipyn o amser, gan ddibynnu ar adeg y flwyddyn a chyflwr y tir.

Teyrngedau Blodau

Gellir gosod teyrngedau blodau, torchau ac ati ar y bedd ar ddiwrnod y gladdedigaeth a gall perthnasau eu symud oddi yno yn ddiweddarach. Cofiwch, fodd bynnag, ei bod yn bosib y bydd rhaid i staff y fynwent symud teyrngedau blodau ar ôl saith niwrnod.

Ffïoedd & Thaliadau

Er mwyn gweld rhestr gyfredol o ffioedd a thaliadau, gwasgwch yma.

Please obey cemetery rules to keep our cemeteries in the best conditionRheolau a Rheoliadau Cyffredinol y Fynwent

  1. Rhaid i bob person ymddwyn mewn modd gweddus, tawel a threfnus ac fe’u hatgoffir o gynnwys Gorchymyn Mynwentydd Awdurdodau Lleol 1977.

    Ni fydd unrhyw berson yn

    a) Creu unrhyw aflonyddwch bwriadol mewn Mynwent
    b) Creu unrhyw niwsans mewn Mynwent
    c) Tarfu’n fwriadol ar unrhyw gladdedigaeth sy’n cael ei chynnal mewn Mynwent
    d) Tarfu’n fwriadol ar unrhyw fedd neu gladdgell, unrhyw garreg fedd neu faen coffa arall nac unrhyw flodau neu blanhigion neu unrhyw beth arall na
    e) Chwarae unrhyw gêm neu chwaraeon mewn Mynwent.

  2. Ni chaniateir unrhyw anifeiliaid yn y Fynwent ac eithrio cŵn ar dennyn.
  3. Ni chaniateir plant o dan 12 yn y Fynwent onid ydynt yng ngofal person cyfrifol.
  4. Rhaid i bob person sy’n defnyddio cerbyd modur yn y Fynwent wneud hynny ar y gerbydffordd neu mewn maes parcio pwrpasol yn unig, ac eithrio gyda chaniatâd yr Ysgrifennydd.
  5. Rhaid i bawb sy’n ymweld â’r Fynwent gadw at y llwybrau cerdded neu’r ffyrdd a ddarperir ar eu cyfer, ac eithrio wrth ymweld â bedd neu gladdgell.
  6. Ni chaiff unrhyw berson ollwng, taflu na gwaredu a gadael yn y Fynwent unrhyw bapur gwastraff neu sbwriel o unrhyw fath, ac eithrio yn y llestri a ddarperir i’r perwyl hwnnw.

Rheoliadau ynghylch Claddedigaethau

  1. Cynhelir claddedigaeth fel arfer yn unol â’r rheoliadau a rhwng 9.00 am a 2.30 pm Dydd Llun i Ddydd Iau a 9.00 am i 1.30 pm ar Ddydd Gwener. Cynhelir Claddedigaethau Llwch fel arfer yn unol â’r rheoliadau a rhwng 9.00 am a 3.00 pm Dydd Llun i Ddydd Iau a 9.00 am i 2.00 pm ar Ddydd Gwener.
  2. Yr amser a bennir ar gyfer claddedigaeth yw’r un pan ddylai’r cynhebrwng angladdol gyrraedd y man ble y cynhelir y gladdedigaeth.
  3. Rhaid gwneud archeb ffôn ymlaen llaw ar gyfer pob claddedigaeth, i’w cadarnhau’n ysgrifenedig ar y ffurflen bwrpasol 'Hysbysiad am Gladdedigaeth.'
    Ni chymerir archebion ar Ddydd Sadwrn, Dydd Sul nac ar unrhyw Wyliau Cyhoeddus. Rhaid cadarnhau pob trefniant yn ysgrifenedig.
  4. Rhaid i’r Hysbysiad am Gladdedigaeth gynnwys manylion llawn yr ymadawedig; y gladdedigaeth a fwriedir, a’r bedd a ddefnyddir.
  5. Rhaid gwneud pob trefniant ar gyfer cynnal y gwasanaeth angladdol gyda’r Gweinidog gan berthnasau neu gyfeillion yr ymadawedig.
  6. Ni chaniateir claddu cyrff anghyfyngedig.

Amlosgfa Llanelli

Bu aelodau Cyd Awdurdod Claddedigaethau Llanelli yn pwyso am adeiladu amlosgfa yn Llanelli ers blynyddoedd lawer. Gwelwyd ffrwyth eu gwaith ym mis Mai 2001 pan lofnodwyd contract rhwng yr Awdurdod Claddedigaethau a chwmni preifat - Amlosgfa Llanelli Cyf. - i adeiladu amlosgfa breifat ar dir a brynwyd gan yr Awdurdod Claddedigaethau. Agorwyd yr amlosgfa ym mis Hydref 2002 ac yn ei blwyddyn gyntaf cynhaliwyd bron i 1,000 o amlosgiadau.

Llanelli Cemetery BuildingsOs ydych angen cysylltu â’r Amlosgfa, dyma’r manylion:

Amlosgfa Llanelli Cyf
Heol Penprys
Dafen
Llanelli
Sir Gaerfyrddin
SA14 8BX

Ffôn: 01554 824137


scenes of llanelli

Newyddion Diweddaraf

Cyfarfodau Sydd yn Dod

scenes of llanelli